Sarandë, turizëm familjar dhe striptizëm

Mbase dikush, dikur, do kishte dashur që Saranda të shndërrohej në një destinacion elitar, të shkëputur nga “turma” turistike e masave, ku rrjedhimisht lejohen shumë gjëra në funksion të fitimeve të mëdha.

Por nuk është kështu: Qyteti dhe plazhet përreth frekuentohen nga të gjithë familjarët mysafirë, po falur pastaj për vetë banorët e qytetit.

Atëherë të hyjmë në temë: A mund të shpallen kaq pacipësisht reklama si kjo në mes të qytetit, në mes të ditës me diell?

Nuk e kemi me klubin apo klubet, që kanë punën e vet, por si mund të lejojë bashkia kësi publicitetesh me striptizë vend e pa vend, që edhe me Monte Karlo a në Las Vegas janë me karar? Kemi të bëjmë me qytet liberal?

Është mendjehapësi e banorëve?

Apo është vetë bashkia “ta boft zoti mbar’?”

Se po qe kështu, fare mirë këto reklama le t’i varin nga dritaret e bashkisë… /DITA