Së shpejti mbërrin i ftohti ekstrem, ja sa shkojnë temperaturat

Aktualitet E Hënë, 25 Nëntor 2019 16:25

I ftohti ekstrem do të mbërthejë Europën në ditët e para të Dhjetorit duke bërë që temperaturat te zbresin disa gradë nën zero.

Sinoptikanët parashikojnë që në Ballkan termometri të zbresë deri -12°C, ndërsa në Shqipëri deri -8°C nuk do të mungojnë dhe stuhitë dhe reshjet e dëborës.

Edhe pse moti në Shqipëri deri më tani ka qenë i ngrohtë dhe aspak tipik për stinën e vjeshtës, Europa pritet të përballet me një tjetër stuhi ciklonare.

Sa i takon vendit tonë deri në fund të Nëntorit, ditët do të jenë me kthjellime të pakta dhe vranësira të shpeshta por reshjet do të jenë të pakta dhe në zona të kufizuara të vendit.