Sekuestrohen 116 çadra dhe 232 shezlongë në plazhin e Golemit

Hapësira publike në Golem është zaptuar në mënyrë të paligjshme. Subjekte të ndryshme kanë vendosur çadra dhe shezlongë pa leje nga autoritetet përkatëse.

Pas konstatimit të shkeljeve, Policia e Shtetit ka ndërhyrë duke hequr dhe sekuestruar 116 çadra dhe 232 shezlongë të vendosur në mënyrë të paligjshme nga 3 shtetas.

Policia ka proceduar penalisht këta tre shtetas, duke referuar materialet në Prokurori për veprën penale të zaptimit të hapësirës publike.

Pas aksionit të policisë, hapësira publike në plazhin e Golemit iu rikthye sërish përdorimit nga pushuesit.