Sekuestrohet një sasi e konsiderueshme ilaçesh kontrabandë, mes tyre edhe medikamenti i shtrenjtë i COVID-19

Një sasi e konsiderueshme ilaçesh kontrabandë është sekuestruar nga dogana e Durrësit.

Mes ilaçeve të sekuestruara edhe medikamenti i shtrenjtë i COVID-19, Remdisivir.

Gjatë një kontrolli të përbashkët, Policia Kufitare dhe strukturat hetimore të Drejtorisë Vendore të Policisë Durrës gjetën mediakemntet mjekësore të padeklaruara në kamion.

“Gjatë kontrollit të kamionit me targa TR1524S dhe ACR919, me drejtues shtetasin me inicialet K.R. rezultoi se krahas mallrave të deklaruar, ishte dhe sasia e medikamenteve mjekësore e pa deklaruar, të cilat u sekuestruan”, thuhet në njoftim.

Materialet iu kaluan për hetime të mëtejshme Prokurorisë së Rrethit Durrës.