Sfidat e bashkive për 2022, nga ”mbetjet” dhe emergjencat civile

Ministria e Financave dhe Ekonomisë ka parashikuar një fond prej 500 milionë lekësh, para të cilat do i delegohen Ministrisë së Turizmit dhe Mjedisit të cilat i dedikohen menaxhimit të mbetjeve.

Tërmetet e shtatorit dhe nëntorit 2019 si dhe zjarret që përfshinë vendin këtë verë, diktuan nevojën emergjente për forcimin e kapaciteteve në Emergjencat Civile.

Për vitin e ardhshëm, ky zë do financohet me 1 miliard lekë, vlerë kjo më e ulët se ajo e alokuar në vitin aktual dhe atë të shkuar.

Përveç fondeve për mbetjet dhe emergjencat civile, bashkitë kanë parashtruar edhe një sërë kërkesash të tjera si subvencionimi i disa sektorëve, pagesa e detyrimeve të prapambetura të trashëguara nga Reforma Administrative nga Ministria e Financave dhe Ekonomisë si dhe grante në arsim dhe shëndetësi.