Sherr në Tepelenë, tre të plagosur dhe 5 persona në kërkim

Një konflikt për motive të dobëta ka tronditur qytetin e Tepelenës, ku tre persona kanë mbetur të plagosur pas një përleshjeje me sende të forta. Të dëmtuarit janë dy vëllezër dhe djali i xhaxhait të tyre, të tre banues në Tepelenë. Ata ndodhen nën kujdesin e mjekëve dhe janë jashtë rrezikut për jetën. Pas veprimeve hetimore të kryera nga grupi hetimor nën drejtimin e Prokurorisë, policia ka identifikuar personat e dyshuar për përfshirje në konflikt. 5 persona janë shpallur në kërkim nga autoritetet, ndërsa nga hetimet paraprake dyshohet se gjatë përleshjes njëri prej tyre ka qëlluar me armë zjarri në ajër.