Sherr në Tiranë, plagosen me thikë dy persona!

Një sherr me thikë ka ndodhur mbrëmjen e djeshme në rrugën “Don Bosko” në Tiranë, ku për pasojë kanë mbetur të plagosur dy persona.

Mësohet se sherri ka ndodhur rreth orës 21:50, në rrugën “Don Bosko”, ku një 40 vjeçar ka goditur me thikë dy persona të moshës 40 dhe 34-vjeç. Të dy të plagosurit janë dërguar në spital dhe po mbahen nën kontrollin e mjekëve.

Shkaqet e sherrit ende nuk dihen, ndërkohë që po punohet për kapjen e autorit të dyshuar të ngjarjes.

“Specialistët e Seksionit për Hetimin e Krimeve në Komisariatin e Policisë Nr. 3 kanë referuar materialet në Prokurori dhe po punojnë për shoqërimin e shtetasit M. D., 40 vjeç, banues në Tiranë.

Mbrëmjen e djeshme, rreth orës 21:50, në rrugën “Don Bosko”, ky shtetas dyshohet se është konfliktuar dhe ka goditur me mjet prerës shtetasit D. H., 40 vjeç, dhe A. D., 34 vjeç, banues në Tiranë, të cilët si pasojë janë dëmtuar dhe ndodhen në spital, në kujdesin e mjekëve”, njofton policia.