Sherr për vendosjen e portës mes dy personave në Tiranë. IMT e heq, por kërcënohen punonjësit

Një sherr ka ndodhur mes dy personave për vendosjen e një porte në Tiranë. 58-vjeçari E.K., kishte vendosur një portë, por fqinji i tij 43-vjeçari F.D, ishte ankuar se porta i zinte rrugën dhe më pas mes tyre ka nisur konflikti.

Është dashur ndërhyrja e IMT-së për të hequr portën, ndërsa punonjësit e IMT janë kundërshtuar dhe kanosur për shkak të detyrës nga shtetasit E.K, 37 vjeç, S.C, 53 vjeç, dhe E.K, 58 vjeç.

Të tre personat që kundërshtuan punonjësit e IMT-së janë vënë në hetim, si edhe dy të tjerët që u përfshinë në sherr për portën. Ndaj tyre rëndojnë akuzat për veprat penale “Kundërshtimi i punonjësit që kryen një detyrë shtetërore ose një shërbim publik”, “Kanosja për shkak të detyrës” dhe “Dëmtime të tjera me dashje”.