Shkatërrohet grupi i shpërndarjes së heroinës në Tiranë

Policia e Tiranës ka finalizuar ditën e sotme një operacion, i cili ka çuar në arrestimin e 9 personave dhe shpalljen në kërkim të 2 të tjerëve të dyshuar si shpërndarës të lëndëve narkotike, kryesisht heroinë, në kryeqytet.

Gjatë finalizimit të këtij operacioni u sekuestruan 2 automjete, me të cilat kryhej aktiviteti kriminal i shpërndarjes së lëndëve narkotike, një sasi prej rreth 300 gramë lëndë e dyshuar narkotike Heroinë, një peshore rreth 10 gramë metadon, 16 telefona celulare dhe karta telefoni, shuma prej rreth 1.000.000 lekë.