Shkëlzen Berisha: Dokrrat e Tahirit. Pse nuk e arrestoi vrasësin?

Shkëlzen Berisha akuzon ministrin e Brendshëm, Saimir Tahiri dhe kreu e Policisë së Shtetit, Artan Didi se pse nuk e kanë arrestuar personin për vrasje në tentativë, meqenëse ai e ka pranuar e gojën e vetë këtë gjë.

Mesazhi i Shkëlzen Berishës:

“Një "vrasës profesionist" shkon dhe rrëfehet në zyrën e Ministrit të Brendshëm për vrasjen e një deputeti, para tij dhe drejtorit të Përgjithshëm të Policisë por ministri dhe drejtori e lënë të lirë të largohet sepse nuk ka pranuar të hedhë firmën??

Përse nuk e kanë arrestuar ndërkohë që personi ka pranuar gojarisht para tyre që është përfshirë në një vrasje të mbetur në tentative ??

Policia ka ndaluar dhe arrestuar njerëz për faturën e dritave por ministri dhe drejtori i policisë paskan organizuar "rendezvous" në driten e qiririt, jo një, por disa herë me një vrasës të kontraktuar pa e ndaluar kurre atë!

Me çfarë baze ligjore e kanë lënë të lirë dje dhe e kanë arrestuar sot?”, shkruan në Facebook, Shkëlzen Berisha.