Shkëmbimi i kufijve, Ngjela: Haradinaj fitoi lojën

Avokati Spartak Ngjela i ftuar në emisionin “360 Gradë” në RTV Ora u shpreh se si kryeministër Ramush Haradinaj e fitoi lojën sa i përket ndërrimit të kufijve.

“Kemi thënien e Palmer që tha: targeti Rus për Shqipërinë është shumë i vështirë. Kush kishte vesh nga këta që venë në Moskë e Beograd e dëgjoi.

Ne e dimë që edhe Moska edhe Beogradi ishin për ndërrimin e kufijve. Sa i përket politikës amerikane tha që nëse palët duan ta bëjnë le ta bëjnë.

Po ku e di Amerika që këtu palët shiten. Atëherë në këtë pikë doli ai armiku i popullit, Ramush Haradinaj dhe tha s’dua, stop.

Si kryeministër e fitoi lojën. Deri tani Haradinaj fitoi lojën”, u shpreh Ngjela këtë mbrëmje.