Shkodër, makina përplas për vdekje një person me biçikletë

Një aksident me pasojë vdekjen është regjistruar mbrëmjen e kësaj të mërkure në Shkodër.

Ngjarja ka ndodhur në zonën e Vrakës, kur një Benz E Class ka përplasur për vdekje kalimtarin i cili udhëtonte me biçikletë.

Ende nuk dihet identiteti i viktimës, ndërsa policia ka shoqëruar drejtuesin e mjetit.

Policia e Shkodrës ka ngritur dhe një grup hetimor për zbardhjen e shkaqeve të aksidentit fatal.