Shkodër, qëllohet me armë agjenti i policisë, identifikohet autori

Qëllohet me armë zjarri në dalje të banesës së tij një efektiv i policisë në Shkodër. Ngjarja ndodhi në orët e para të mëngjesit të ditës së sotme. Emri i efektivit nuk bëhet i ditur nga policia, që shkoi menjëherë në vendngjarje dhe identifikoi autorin. I plagosuri është dërguar në spitalin rajonal, ku merr ndihmën e parë, ndërsa policia shpalli në kërkim shtetasin me iniciale S.H për atentatin ndaj agjentit. Kanë nisur hetimet për të zbardhur të plotë arsyen që çuan në këtë ngjarje të rëndë.