Shkodër/ Voton kandidati i PD, Bushati: Qytetarët të përdorin fuqinë e votës së tyre për Shkodrën

Kandidati i PD-së për Shkodrën, Xhemal Bushati, pasi hodhi votën në kutinë e votimit, iu bëri thirrje të gjithë qytetarëve që të votojnë, në mënyrë që sipas tij, të zgjedhin të ardhmen për vete dhe për fëmijët e tyre.

“Sot është dita që tanë shkodranët me përdor fuqinë e votës së tyre për Shkodrën.

I ftoj qytetarët e Shkodrës, qytetarët e njësive administrative, të shkojnë të votojnë, të votojnë për Shkodrën, për të ardhmen e fëmijëve të tyre, të ardhmen e tyre, të ushtrojnë votën me dashuri për Shkodrën.

Komisionerët e PD janë në detyrë, vazhdojnë të jenë në detyrë, ka probleme me infrastrukturën, që nuk është në dorën e tyre. Komisionerët e PD janë të gjithë në detyrë”, tha Bushati.