Shkolla ”Ibrahim Hima” në Prush, Rama: Rindërtohet nga e para, 180 nxënës nisin vitin e ri në ambiente moderne

Kryeministri Edi Rama ka ndarë pamje nga shkolla ”Ibrahim Hima” në Prush të Tiranës, e cila është rindërtuar tërësisht, duke trefishuar hapësirat dhe duke krijuar ambiente të reja për nxënësit dhe mësuesit.

Përmes një postimi në Facebook, Rama thekson se nga ky shtator, 180 nxënës dhe mësuesit e tyre do të kenë në dispozicion një shkollë më të madhe, më funksionale dhe me kushte bashkëkohore për zhvillimin e mësimit dhe aktiviteteve sportive.

”Shkolla ‘Ibrahim Hima’ në Prush të Tiranës është rindërtuar nga e para, me hapësira të trefishuara dhe ambiente të reja për nxënësit dhe stafin mësimor, duke sjellë një tjetër standard për jetën e shkollës”, shprehet Rama.

Postimi i plotë

Shkolla “Ibrahim Hima” në Prush të Tiranës është rindërtuar nga e para, me hapësira të trefishuara dhe ambiente të reja për nxënësit dhe stafin mësimor, duke sjellë një tjetër standard për jetën e shkollës. Nga ky shtator, 180 nxënës dhe mësuesit e tyre do të kenë në dispozicion një shkollë më të madhe, më funksionale dhe me kushte bashkëkohore për mësim dhe aktivitete sportive.