Shkrumbimi i banesës, Bashkia Shkodër: Strehuam familjen, do e ndihmojmë edhe financiarisht

Një banesë u përfshi sot nga flakët në katin e katërt të një pallati, në bulevardin “Zogu i Parë”, në Shkodër. Për djegien e banesës ka reaguar Bashkia e Shkodrës, e cila bën me dije se flakët janë shuar, duke parandaluar edhe përhapjen në banesat tjera, teksa njoftoi se familja është strehuar në Qendrën e Trajtimit të Studentëve dhe do t’i sigurojë ndihmën prej 20 mijë lekësh për person, si dhe 50% të vlerës së dëmit ndërtimor dhe orendi.