Shpërthim me tritol artizanal në burgun e Fushë-Krujës, dyshohet për tentativë arratisjeje ose…

Një shpërthim me lëndë plasëse ka ndodhur në burgun e Fushë-Krujës mbrëmjen e djeshme. Ngjarja ka ndodhur rreth orës 22:45, ndërsa dyshohet se është tentuar të dëmtohet gjeneratori, i cili ndodhet në këtë burg.

Lënda plasëse ka qenë artizanale.

Nga shpërthimi i tritolit me nitrat nuk ka pasur persona të lënduar.

Ndërsa dyshohet se sulmi me tritol ka qenë tentativë për rrëmujë ose arratisje.

Ndërkohë raportohet se puna në burgun e Fushë Krujës vijon normalisht.

Njoftimi:

Rreth orës 21:00 të mbrëmjes së djeshme, në ambientet e IEVP Fushë-Krujë është dëgjuar një shpërthim brenda rrethimit. Menjëherë pas ngjarjes, janë njoftuar strukturat përkatëse: Policinë e Shtetit, Shërbimin e Kontrollit të Brendshëm të Burgjeve dhe Prokurorinë.

Nga verifikimet paraprake në vendin e ngjarjes, është konstatuar një gropë në tokë pranë zonës ku ndodhet gjeneratori, duke ngritur dyshime se shpërthimi mund të jetë shkaktuar nga një sasi e dyshuar lënde plasëse. Nga shpërthimi nuk ka asnjë person të lënduar dhe nuk ka dëme materiale.

Grupet hetimore ndodhen në ende në terren dhe po punojnë për zbardhjen e plotë të rrethanave të ngjarjes, si dhe për identifikimin e autorëve të mundshëm.

Nga të dhënat e deritanishme, rezulton se lënda plasëse është hedhur në zonën e rrethimit të jashtëm, pranë rrugës kryesore. Kjo zonë nuk ndikon dhe nuk cenon sigurinë apo jetën brenda perimetrit të brendshëm të të dënuarve dhe të paraburgosurve.