Shpërthim me tritol në Laç, lënda plasëse vendoset në derën e një dyqani

Një shpërthim me lëndë plasëse është regjistruar në orët e para të mëngjesit të sotëm në qytetin e Laçit, në një dyqan që ndodhet në një kompleks shërbimesh.

Rreth orës 03:00, në qepenin e derës së biznesit ka shpërthyer një sasi tritoli, duke shkaktuar vetëm dëme materiale, pa të lënduar.

Pas njoftimit, në vendngjarje kanë mbërritur menjëherë shërbimet e Policisë së Kurbinit dhe grupi hetimor. Nën drejtimin e Prokurorisë, po kryhen veprimet hetimore për të sqaruar rrethanat e plota të ngjarjes dhe për dokumentimin ligjor të rastit, me qëllim identifikimin dhe kapjen e autorit/ëve.