Shpërthimi në lokal, reagon ISHTI: Ja çfarë gjetëm më bodrum

Inspektoriati Shtetëror Teknik Industrial-ISHTI, ka reaguar pas shpërthimit të bombolës së gazit në një lokal në Velipojë. Sipas ISHTI-t, ka pasur rrjedhje gazi gjë që shkaktoi edhe shpërthimin e bombolës e më pas përhapjen e flakëve.

“Ka pasur rrjedhje të një depozite gazi në bodrumin e lokalit. Në bodrumin e lokalit ka pasur një çisternë 1 mijë litërshe me gaz për përdorim në kuzhinë. Inspektorët u futën në ambientet e lokalit. Shpërthimi ndodhi nga rrjedhja e gazit të çisternës”, thotë Inspektoriati Teknik.