Shqipëri-Poloni, parafirmoset marrëveshja për njohjen e pensioneve

Shqipëria dhe Polonia parafirmosin marrëveshjen kuadër në fushën e sigurimeve shoqërore.

Raundi i tretë i negociatave që u zhvillua në Tiranë në datat 11-13 nëntor u drejtua nga zëvendësministrja e Ekonomisë, Kulturës dhe Inovacionit, Olta Manjani dhe për palën polake nga nënsekretari i shtetit të Ministrisë së Punës, Familjes dhe Çështjeve Sociale, Sebastian Gayewski.

Përmes kësaj marrëveshjeje, qytetarët shqiptarë sigurojnë një sërë përfitimesh, si: pensionin e pleqërisë, përfitimet e barrëlindjes, pensionin familjar, atë të  invaliditetit etj..

Qytetarët do të përfitojnë nga bashkimi i periudhave kontributive, duke siguruar që të mos humbasin vitet e tyre të punës.