Shqipëria më pak e pëlqyer në rajon për investime

Një sondazh i kompanive gjermane që kanë investuar në Ballkanin Perëndimor i zhvilluar nga Instituti për Studime Ekonomike Ndërkombëtare i Vjenës, në bashkëpunim me partnerë lokalë, del në përfundimin se Shqipëria është më pak e pëlqyer për investime.

“Sipas sondazhit, 33% e të anketuarve u shprehën se janë të pakënaqur me përvojën e përgjithshme të të punuarit në Shqipëri, përkundrejt vetëm 8% në Maqedoninë e Veriut, 11% në Serbi dhe 20% në Bosnjë – Hercegovinë”.

Sondazhi evidenton probleme lidhur paqëndrueshmërinë, qeverisjen dhe institucionet e dobëta. Maqedonia e Veriut rezulton shteti me vlerësimet më të larta nga investitorët gjermanë. Ekspertët vlerësojnë se për të rritur atraktivitin e rajonit si destinacion investimi, duhet një strategji që shikon përtej fuqisë së lirë punëtore dhe taksave të ulëta.