Shqipëria refuzon paradën ruse në Moskë, serbët krenarë për pjesëmarrjen

Shqipëria ka refuzuar ftesën e kryeministrit rus Vladimir Putin për të marrë pjesë në paradën e 9 majit, në Moskë, me rastin e 70-vjetorit të përfundimit të Luftës së Dytë Botërore. Ministrisë së Mbrojtjes së Shqipërisë  i është dërguar ftesa, por mësohet se i është refuzuar pjesëmarrja nga kjo e fundit. Forcat ushtarake shqiptare nuk do t’i bashkohen paradës së “9 Majit”, duke ndjekur kështu të njëjtën linjë me partnerët e saj strategjik. Ky refuzim erdhi pas atij të Gjermaninë dhe Britaninë e Madhe. Shkaku i mos-pjesëmarrjes së këtyre shteteve është kriza e fundit në Ukrainë. Presidenti serb Nikoliç ka deklaruar së fundmi me shumë krenari se forcat ushtarake serbe do të jenë pjesë e kësaj parade. Dihet se Shqipëria është pjesë e NATO-s dhe si e tillë nuk mund të marrë vendime në kundërshtim me vendet më të fuqishme aleate të aleancës më të fuqishme ushtarake në botë.