Shqiptarët masivisht pro krijimit të një hapësire pa kufij Kosovë-Shqipëri

Shqiptarët mbështesin në masë krijimin e një hapësire pa kufij ekonomikë e shtetërorë me Kosovën, tregon një sondazhi i Barometër në ”Euronews Albania”.

Tre në katër persona (75,3%) janë në favor të heqjes së kufijve dhe çdo lloj barriere mes dy vendeve dhe afërsisht aq (73,9%) për krijimin e një zone të lirë ekonomike.

Kundërshtia ndaj këtyre zhvillimeve është e papërfillshme, respektivisht vetëm 5,5% dhe 8,3% janë shprehur kundër.

Gjetjet janë realizuar në periudhën 20-29 tetor 2021, kryer nga MRB dhe Data Centrum, në nivel kombëtar me 1000 intervista ballë për ballë në familje.