Shqiptari trajton si skllevër punonjësit e lavazhit në Angli

Al Jazeera” ka realizuar një investigim për atë që e cilëson “Britain’s modern slave trade”, ku përfshihen persona që punojnë si gardianë të serave me kanabis apo prostituta në Angli. Pjesë e këtij investigimi është dhe një shqiptar, pronar i një lavazhi. Sipas emisionit punonjësit janë të gjithë nga Rumania. Para se të nisin punën u merren dokumentat, paguhen nën rrogën minimale, gjobiten me shuma të mëdha për gabimet e tyre dhe mbahen vazhdimisht nën borxhe për të mos u larguar.

Pronari i lavazhit është shqiptar dhe quhet Avion Elezi 35 vjeç.

Shumica e punonjësve nuk dinë anglisht. Ata thonë se paguhen 35 paund për 12 orë punë në ditë.

Gjatë përballjes me gazetarët, Elezi nuk pranon asnjë nga akuzat që i bëhen. “Nuk po e bëj një gjë të tillë. Unë punoj vetë çdo ditë, kam tre fëmijë për të rritur. Nuk detyroj askënd të punojë këtu”, deklaron pronari shqiptar Avion Elezi.

[youtube url=”https://www.youtube.com/watch?v=JKoeUxvijRA” width=”560″ height=”315″]