Eksperti i Sigurisë, Ilir Kulla flet për temën më të komentuar në vend dhe jo vetëm, që ka të bëjë me planin e krijimit të shtetit Bektashi në Shqipëri. Për të urdhri për krijimin e shtetit Bektashi është i ngjashëm me atë të Maltës, dhe jo Vatikanit, ndërsa shtoi se do të ketë pasaporta. Ndërsa në lidhje me kufijtë, tha se nuk ka nevojë, duke argumentuar se shpirti nuk ka kufi.
”Nuk jam as pro e as kundër. Duhet apo jo, e vendosin autoritetet e Shqipërisë. Sot që ne flasim ka nevojë për një shpjegim juridik të procesit. Në këto marrëveshje thuhet se bashkësitë fetare do të qeverisin sipas rregullave të tyre. A është e udhës që të futet publiku që ta diskutojë apo jo? E treta është forma. Unë mendoj se nuk është Vatikani, por urdhri i Maltës.
A e kanë kërkuar bektashianët apo Rama ta bëjë këtë gjë? Në planin juridik, bektashianëve i lind e drejta të kërkojnë një rigonegocim. Më shumë se ta shohim si një shtet të huaj, si një urdhër të vogël shqiptar, që de fakto nuk është shtet. De fakto, kanë nevojë për rinegocimin e marrëveshjes mes bashkësisë bektashiane dhe këshillit të ministrave. Si do menaxhojë pronat bashkësia Bektashiane, a do jenë pa taksa, a do kenë të drejtë të kenë bankën e tyre.
Nuk ka nevojë të ketë kufi. Shpirti nuk ka kufi. Do ketë pasaporta. Mund të futet kushdo. Nëse Shqipëria merr përsipër njohjen e këtij shteti… mos mendo se do ketë ushtri. Do jetë kështu siç është, do ketë këtë lloj simbologjie. Kemi 5 bashkësi fetare. Nuk ka nevojë për ndryshime Kushtetuese për mua. Territori është aty. Do kenë disa atribute më shumë. Ata do vetëquhet shteti Bektashian. Do njihen apo jo, kjo mbetet për tu parë”, u shpreh eksperti i sigurisë i ftuar në ”Shqipëria Live”.