Shteti Islamik, ISIS hap agjensi lajmesh në gjuhën shqipe

ISIS njohur si shteti islamik në internet ka krijuar dhe agjensinë e lajmeve në gjuhën shqipe. Me një portal me video e foto ku shfaqen pengje të ekzekutuar e koka të prera, ISIS i drejtohet ndjekësve në gjuhën shqipe.

[youtube url=”https://www.youtube.com/watch?v=0hmgIpcNytw&feature=em-uploademail” width=”560″ height=”315″]

ReportTv e Shqiptarja.com sjellin një vëzhgim nga kjo faqe e cila funksionon prej kohësh dhe me sa duket agjencitë e sigurisë nuk kanë mundur ta identifikojnë ende se kush qëndron pas saj.

Postimet në portal, video, foto e propagande
Shteti Islamik, ISIS krijon portalin e tij të lajmeve në shqip dhe nëpërmjet faqes hilafetialb.wordpress.com ka nisur postimin e video-mesazhe dhe lajmeve nga ISIS.

Siç dhe shihni në këtë faksimile të faqes në gjuhën shqipe mundësohen video, foto postime komente e të dhëna të ndryshme ndërsa në krye të saj faqja është e dizenjuar me foton e udhëheqësit të shtetit Islamik Emirul Mu’minin Ebu Bekr el-Baghdadi dhe mesazhin Hilafeti e flamurin e ISIS.

E njëjta faqe krijon dhe lidhjen me rrjetin social, Facebook ku nuk mungojnë postimet e fundit dhe për bilancin e të vrarëve që ka shkaktuar ISIS.

E teksa kjo faqe ka arritur të krijohet në gjuhën shqipe me lajme e komunikime zyrtare të ISIS, mister mbetet fakti se si ajo është krijuar dhe ka arritur të ketë sukses me shumë ndjekës e komente pa u diktuar nga agjencitë ligjzbatuese.

Faqa është e krijuar në një platformë wordpres ndërsa për të gjithë përdoruesit e saj që kërkojnë të informohen në kohë reale nëpërmjet telefonit kërkon së pari një regjistrim.

Më 4 nëntor, vetëm një ditë më parë ky portal ka publikuar në gjuhën shqipe dhe fjalën e Emirul Mumininit Ebu Bekr el-Bagdadi: “Kjo është ajo që Allahu dhe i dërguari i Tij na premtuan neve”.

Por, referuar postimeve nuk mungojnë as foto e video me përmbajtje të rënda pas ekzekutimit të pëngjeve, të cilët sipas kësaj faqe cilësohen tradhëtarë.

Pritet qe SHISH, Policia te zbulojne adminin
Mbetet për t’u parë nga Shërbimi Informativ i Shtetit, njësia antiterrorist apo nga Policia të zbulojnë se si është krijuar kjo faqe, kush e administron në gjuhën shqipe dhe nga ku prodhohen informacionet që transmetohen për ndjekësit e ISIS dhe në vendin tonë.

Vetëm një ditë më parë në burgun e Vaqarrit gardianët zbuluan një pikturë në qelinë e të dënuarit I.Gj, pikturë e cila alarmoi sigurinë në këtë burg. Shqiptarja.com