Shtetrrethimi dita e katërt në rrethe, shkelen masivisht rregullat

Pas orës 08:00 të mëngjesit, kur hyri në fuqi ndalim qarkullimi për makinat, rrugët në qytete nisën ti pushtojnë qytetarët që shkelën rregullat e vetëizolimit.

Në Vlorë, problematikë u shfaqën të moshuarit të cilët u grumbulluan për domino.

Policia dhe ushtria shkon ti shpërndajë por pas disa orësh ata ribashkohen sërish, ose zhvendosen në lulishte të tjera.

Pas katër ditëve në izolim edhe korçarët i shkelën rregullat.

Masivisht iu drejtuan parkut të qytetit.

Në Sarandë për të dytën ditë radhazi u pa rritje e ndërgjegjësimit.

Bizneset në shumicë të mbyllura, ndërsa qytetarët në rrugë të paktë,.

“Duhet bërë durim.”

Postblloku në Urën e Bunës dhe urdhri për mbylljen e hapësirave rekreative nuk i mbajti shkodranët në Shtëpi.

Shumë e çanë rrethimin me biçikleta dhe iu drejtuan Shirokës.

Të tjerët që mbeten në qytet, dolën në lulishte e parqe, duke injoruar këshillën për kujdes.

Në ditën e katërt të karantinës edhe lezhianët i neglizhuan këshillat.

Thonë se janë të vetëdijshëm për rrezikun që ka ky virus, por thonë se ju duhet të dalin nga banesat për nevojat familjare, ndërsa mungesën e makinave po e zëvendësojnë biçikletat.

“Për masat jam dakord, por dola vetëm për ilaçet.”

Lëvizje të shtuara në rrugë kishte Në Durrës, Fier dhe Elbasan

Ndërsa në Lushnje shkonte deri në neglizhencë. Pensionistë u panë në radhë për pagesat ose pensionet.

Uniformat blu me mbështetjen e Policisë ushtarake kanë ngritur pika kontrolli në të gjithë vendin për respektimin e ndalim qarkullimit dhe kapjen e personave që duhet të ishin të vetëizoluar.