Eksperti për sigurinë rrugore, Fatmir Hasho ka analizuar shkaqet e aksidenteve që në 2020 nisën përgjakshëm dhe që për 2019 u mbyllën me bilanc lufte me 244 viktima. ”Degëzimi është shumë i rëndësishëm për këtë zonë, ka një numër relativisht të lartë mjetesh. Duhet të bëhet një programim se si do të orientohet skica e degëzimit të mjeteve. Hapja e korsive do të ndikonte në rritjen e lëvizshmërisë”. Ai shprehet se shumë drejtues mjetesh mbajnë korsinë e majtë, korsinë e shpejtësisë dhe ecin me shpejtësi jashtë normave. ”Kemi një ndryshim midis firmave që operojnë në këtë drejtim. Tabelat nga Tirana në Kashar shikueshmërinë natën e kanë 40%, ndërkohë duhet të jenë 100% theksoi ai. Ndërsa nga Elbasani në Rrogozhinë është shumë e vështirë për të ecur, është errësirë. Janë bërë ndryshime gjithë këto vitet e fundit në Tiranë, por as edhe një takim qoftë edhe për të dhënë mendime. Këshilli i Sigurisë Rrugore duhet të mblidhet çdo gjashtë muaj për të mos pasur raste të larta të aksidenteve”.