Shuplaka e BE për Ramën: Nuk kemi asnjë lidhje me projektet e kryeministrit për hashashin
Bashkimi Europian ka përgënjeshtruar sot kryeministrin Edi Rama lidhur me projektin për legalizimin e hashashit. Në një deklaratë për mediat, në krah të ambasadorit të BE, Luigi Soreca, Edi Rama se legalizimi i hashashit është një projekt që po diskutohet me ndërkombëtarët dhe do jetë gati shumë shpejt.
Pak orë pas kësaj deklarate, zyra e BE në Tiranë ka reaguar duke mohuar çdo lidhje me projektet e Edi Ramës për hashashin.
Zyra e BE në Tiranë deklaron se Komisioni i Europian nuk është përfshirë në asnjë projekt apo diskutim për bimët narkotike dhe legalizimin e hashashit.
“Pas kërkesave të disa medieve, ne duam të sqarojmë se Komisioni Evropian dhe Delegacioni i BE nuk janë përfshirë në përgatitjen, hartimin ose konsultimin e projekt-raporteve në lidhje me planet për kultivimin dhe legalizimin e kanabisit për qëllime mjekësore në Shqipëri”,- thuhet në reagimin e zyrës së BE në Tiranë.
Deklarata është një shuplakë e fortë ndaj projekteve të qeverisë “Rama” për lëndët narkotike. Nëse nuk është konsultuar me BE, me kë “ndërkombëtar” po e harton planin për përdorimin e kanabisit mjekësor kryeministri Edi Rama? Po ambasadori Soreca që ishte në krah të kryeministrit pse nuk e kundërshtoi live apo komandohet nga Edi Rama?! U desh reagimi i Brukselit që të fliste edhe Soreca!
Following several media requests, we want to clarify that the European Commission and the EU Delegation have not been involved in preparation, drafting or consultation of draft reports concerning plans for cultivation and legalization of cannabis for medical purposes in Albania.
— EU in Albania (@EUinAlbania) May 9, 2020
Lexoni edhe…
Arrestimi i protestuesve, reagon ashpër Basha: Dhunë fashiste ndaj qytetarëve
Zëri i Amerikës: Në Ditën e Europës Policia arreston 14 protestues
Avokati i Popullit: Policia të lërë dhunën ekstreme. 12 të shoqëruar nga protesta për Teatrin