Si do jetë protesta: masive dhe paqësore apo e vogël, por e dhunshme?

Sot PD dhe Berisha kanë thirrur mbështetësit e tyre në protestë para kryeministrisë. Burime brenda selisë Blu thanë se nuk do të jetë protestë e qetë, por as nuk pohuan se do të ketë dhunë!

Ndërkohë sms-të e nisura nga degët e PD në rrethe drejt militantëve të tyre janë se “sot rrëzojmë kryeministrin Rama me çdo mjet e kusht, ndaj ejani me të gjitha “mjetet” demokratike!”. Por kjo “dita e madhe e protestës” ka  vite që dëgjohet, ndaj nuk besohet se edhe këtë herë do të kenë mundësinë të bllokojnë qeverinë.

Nëse do të jetë masive, pra bindëse që mbushet Bulevardi kryesor nga sheshi “Nënë Tereza” deri te sheshi “Skënderbej”, atëhere duhet thënë se protesta mbetet e fuqishme, por nëse fillojnë molotovët që në fillim shenjat janë se nuk ka njerëz  dhe synohet të mbulohet dështimi me tym e flakë.

Ndërkohë mbi 1200 forca policie janë në gatishmeri.