Si e dalloi dehjen e deputetëve të PD-së? Rama: Për pak u deha edhe unë. Thanë disa fjalë që…

Partia Socialiste i kërkon Kuvendit të përjashtojë me 10 ditë nga punimet dy deputetët e PD-së, Edi Paloka dhe Bujar Leskaj. Pas mbledhjes së Kryesisë së PS-së, Edi Rama u pyet nga gazetarët sesi e dalloi që deputetët e PD-së ishin të dehur.

”Nuk kam njohur asnjë të dehur që të pranojë se është i dehur. Ata janë bedelë. Me kuptimin e plotë të kësaj fjalë. Janë bedelë se sot është dita për t’i thënë përgjigje një pyetje; pse paratë ruse u derdhën tek kjo parti për të rrëzuar qeverinë e këtij vendi?

Ju gjykoni sa etik apo jo është fjalori im. E dallova që ishin dehur se për pak u deha dhe unë nga alkooli që kishin pirë. Vetëm të dehurit mund të flasin me atë gjuhë në mes të një mexhelisi që quhet Kuvend”.