Siguria ushqimore, shoqëria civile dhe qytetarët protestojnë në Tiranë

Përfaqësues të shoqërisë civile si dhe qytetarë të Tiranës, protestuan ditën e sotme në sheshin "Skënderbej" kundër ushqimeve të skaduara dhe 'terrorizmit' ushqimor.

Nën mesazhin “ata nuk ndëshkohen”, qytetarët u janë bashkuar kësaj proteste për të denoncuar çdo rast falsifikimi të ushqimeve në Shqipëri.

“Ky është krimi më i pandëshkuar, pasi ne e kemi të cënuar sigurinë tonë ushqimore. Ndaj kërkojmë që të kontrollohen ushqimet dhe të kontrollohet a ka profesionalizëm në intitucionet e kontrollit ushqimor, a ka nepotizëm. Ne jemi këtu sot, sepse duam përgjigje. Në vit, janë 7 mijë raste me kancer ndaj na u përgjigjni. Ju kemi votuar që të na përgjigjeni dhe jo të shëtisni nëpër televizione”, u shpreh Erion Kristo, përfaqësues i shoqërisë civile. Seria e këtyre protestave ka filluar në datën 15 shkurt dhe ato do të vijojnë deri në 19 shkurt.