Sillet në Tiranë mësuesja që propagandonte ISIS- Medreseja e Shkodrës distancohet nga deklaratat e mësueses

Medreseja e Shkodrës është distancuar nga deklaratat e mësueses Emine Alushi, e cila bënte propagandë për organizatën terroriste ISIS gjatë një ore mësimi.

“Distancohemi nga deklaratat e transmetuara në video. Ajo çka thotë mësuesja është e kundërt me atë që ofron shkolla. Subjekti i kësaj videoje nuk përfaqëson linjën zyrtare të medresesë”, thuhet në njoftimin e shkollës.

Ndërkaq, Emine Alushi, mësuesja e cila propagandonte organizatën terroriste ISIS tek nxënësit është sjellë në Tiranë për të marrë në pyetje nga Drejtoria e Antiterrorit në Policinë e Shtetit.

Mësuesja fillimisht u shoqërua nga policia e Shkodrës.

Ngjarja

Mësuesja Emine Alushi është filmuar fshehurazi nga nxënësit, rreth dy vjet më parë.

Gjatë një orë mësimi, ku dëgjohet të thotë se ISIS është një organizatë e mirë që mbron popullin e Sirisë, të Palestinës, etj.

Në video madje i bënë jehonë edhe Bin Ladenit, si një lider i mirë.

Denoncimi është bërë mbrëmjen e djeshme në emisionin “Stop”, por është regjistruar në vitin 2015.

Skandali ka ndodhur në Medresenë e Shkodrës, ku predikohet, se ISIS është një organizatë, që lufton për liri dhe demokraci.

Nxënësja – Zysh,a ban me ta ba një pyetje? Dëgjova dje për punën e këtyre ISIS. Unë s’e kuptoj se… A janë myslimanë a ç’a janë? ISIS?

Mësuesja – Ça ISIS moj? Një organizatë myslimane, që do me i dhënë mbrojtje.

Nxënësja – Po.

Mësuesja – Popullit mysliman të Sirisë p.sh, apo të Palestinës, apo të Egjyptit. Po luftojnë për këtë vënd.

Nxënësja – Domethënë janë të mirë?

Mësuesja – Dakord? Ata janë të mirë, po shteti do me i luftuar.

Nxënësja – Domethënë lajmet thonë, se janë të këqinj.

Mësuesja – Tamam.

Nxënësja – Po, në të vërtetë janë të mirë.

Mësuesja – Po normal, lajmet do t’i besojmë na?

Nxënësja – O Zysh, me vra njerëzit, qenkan të mirë? Domethënë ata janë të mirë, se i vrasin njerëzit ë?

Mësuesja – Bukur! A dhanë atë lajmin e bukur që: O burra e vramë Bin Ladenin?

Nxënësja – Po del, që Bin Ladeni ishte burrë i mirë a?

Mësuesja – Sa oficerë u vunë me vra Bin Ladenin?

Nxënësja – Po mirë zyshe, Bin Ladeni…

Mësuesja – Në 28 vetë, që kanë marrë pjesë në vrasjen e Bin Ladenit, 26 vetë janë vra… 26 e ka dhënë Italiani, janë këta lajmet më reale.