Ministri i Mbrojtjes Niko Peleshi, në një prononcim nga qyteti i Korçës, u shpreh se Forcat e Armatosura nuk synojnë të marrin më shumë përgjegjësi nga çfarë u takojnë në Aeroportin Ndërkombëtar të Rinasit.
Sipas tij, nuk do të jenë kontrollorët ushtarakë ata që do të marrin operacionet.
“Nuk janë kontrollorët ushtarakë, ata që do të marrin operacionet. Nuk jemi ne të licensuar, po flas tani në emër të tyre, të licensuar për Aviacionin Civil, kështu që kjo është edhe një arsye më tepër, përveç kufizimeve e ndalimeve të tjera, që nuk do të jemi ne pra, që do marrim përsipër rifillimin e operacioneve në aeroport.
Ka kërcënime edhe në rajonin tonë, që lidhen me orientimin e vendeve të rajonit, edhe në shtete të tjera, përpos SHBA-ve. Ne jemi pro Perëndimit gjithmonë.
Komiteti i Mbrojtjes Civile ka vendosur të ngarkojë Ministrinë e Infrastrukturës që të marrë të gjitha masat për sigurinë e aeroportit”, u shpreh Peleshi nga qyteti i Korçës.