S’ka rikthim në punë për mjekun Edvin Prifti

Mjeku Edvin Prifti është rrëzuar nga Gjykata e Posaçme e Apelit, e cila vendosi që të lerë në fuqi masën e pezullimit të tij nga detyra, të dhënë nga Shkalla e Parë. Prifti do të qëndrojnë i pezulluar edhe për 3 muaj të tjerë.

Mjeku është nën hetim për korrupsioni pasiv i personave që ushtrojnë funksione publike dhe pastrimi i produkteve të veprës penale ose veprimtarisë kriminale. Emri i tij doli pas zbardhjes së përgjimeve të sekretares së Gjykatës së Krujës, Manuela Mallkuçi, e cila u arrestua bashkë me gjyqtaren Enkeleida Hoxha dhe 10 persona të tjerë.

Ndërkohë, gjatë muajit Prill, SPAK bëri rekurs në Gjykatën e Lartë kundër vendimit të Gjykatës së Posaçme të Apelit e cila liroi kardiokirurgun nga qelia. SPAK po ashtu ka sekuestruar pasurinë e Priftit.