Sot Gjykata vendos për protestuesit e Rrugës së Kombit

Protestuesit e arrestuar pas protestës në Rrugen e Kombit pritet të dalin sot para gjykatës. Gjatë ditës së hënë grupi i prokurorëve që po hetojnë ngjarjen kanë mbërritur në Tiranës ku  kane marre në pyetje të nfaluarit. Policia ka referuar ne prokurori edhe procedimin per aktivistët e shoqerisë civile qe protestuan para Drejtorisë së Policisë së Tiranës.

23 protestuesit e arrestuar një 2 ditë më parë pas protestës për taksën e Rrugës së Kombit, do të dalin sot përpara Gjykatës së Kukësit për t’u njohur me masën e sigurisë.

Gjatë ditës së hënë  grupi i hetimit dy prokurore dhe tre oficere te policisë gjyqësore të Kukësit, që po merren me zbardhjen e ngjarjes  kanë mbërritur në Tiranë, ku kanë marrë në pyetje protestuesit në ambjentet e Drejtorisë së Policisë së Tiranës dhe komisariate.

Të arrestuarit akuzohen nga prokuroria për akuzat e shkatërrimit të pronës, shkatërrimit të pronës më zjarr, kundërshtim të punonjësit të rendit publik. Gjykata do vlerësojë të ligjshëm ose jo urdhërarrestet e prokurorisë për arrestimin e tyre.