Spiropali i tha Ramës ”Më përjashto”, deputetja Luarasi: Duhet të diskutonte brenda shtëpisë, jo të bënte status

Deputetja e PS-së, Iris Luarasi ka zbuluar një pjesë të diskutimit të kryeministrit Edi Rama me grupin parlamentar të PS. E ftuar mbrëmjen e sotme në Top Story, Luarasi tha se Rama kishte treguar se çdo mëngjes shprehej: ”Faleminderit Zot që ekziston PS”, duke shtuar se Spiropali së pari duhet t’i diskutonte shqetësimet brenda familjes, pastaj të bënte statuse publike në Facebook. Ajo shton edhe se Spiropali ka bërë beteja të fuqishme brenda partisë dhe është personalitet i PS.

Luarasi: Unë mendoj që ka edhe një sfidë tjetër në PS që është integrimi. Spiropali ka qenë Ministre e Jashtme. Një pjesë e mirë e punës kur vjen pjesa te integrimi kryhet dhe nga Ministrja e Jashtme. E gjithë politika është propagandë, por në këtë rast besoj që është një dritare oportuniteti në shtëpi. Duhet të bëhen të gjitha detyrat e shtëpisë. Unë mendoj që varianti më i mirë do ishte ta pyesnim vetë Spiropalin pse e bëri këtë. Për mua është ende e paqartë. Jam partizane e gjësë që para se t’i çojmë gjërat në publik, t’i diskutojmë brenda shtëpisë.

Basha: Po ju s’po e lini të flasë.

Luarasi: Ajo është një personalitet e PS. Ka pasur një nga postet më të rëndësishme si kryetare e Kuvendit. Që kritikat e saj të jenë totalisht të mbështetura në fakte dhe në të drejta, duhet të ishin bërë kur ti je në pushtet, sepse kjo e bën kritikën tënde më të besueshme. Kur e humbet pushtetin, bëhet më e pabesueshme. Unë mendoj që Spiropali ka bërë beteja të fuqishme politike për PS, por nga ana tjetër po të kandidoja, është tjetër të mbledhësh votat politike në Shqipëri, dhe tjetër të duan njerëzit. Spiropali është një investim, në PS ka edhe gra të tjera të mençura, por nuk kanë marrë mundësi si Spiropali. Në një garë politike, kur jemi dy të barabartë dhe kryetari zgjedh një nga të dyja, kjo mbetet për t’u diskutuar, është një zgjedhje subjektive. Nuk i ka diskutuar këto probleme brenda PS. Mendoj që ajo që duhet të bëjë çdo njeri që është në një parti politike është që diskutimi në fillim, para se ta bësh në faqen e FB, duhet ta bësh brenda grupit politik.