Spiropali uron Pashkën nga Kisha Ortodokse e Kavajës: Harmonia fetare, pasuri shpirtërore e kavajasve dhe mësim për politikën

Pas vizitës dhe urimit nga Katedralja e Shën Palit në Tiranë, Spiropali shkoi për vizitë në Kishën Ortodokse të Kavajës.

“Erdhëm me shumë dëshirë në këtë ditë të shënuar për urimin e Pashkës. U uroj të gjithë besimtarëve të krishterë: Gëzuar Pashkën!

Vlerësoj shumë kontributin e Kishës Ortodokse të Kavajës në ndihmë të besimtarëve dhe të gjithë qytetarëve dhe në këtë mision do të keni mbështetjen e Kuvendit dhe të institucioneve.

Jemi shumë krenarë për bashkëjetesën dhe harmoninë mes besimeve e komuniteteve fetare, si vlerë e veçantë dhe pasuri shpirtërore e kavajasve, por edhe si një potencial zhvillimi për qytetin dhe mësim për politikën.

Festat i kemi te përbashkëta dhe ato na afrojnë më shumë me njeri-tjetrin dhe ndihmojnë t’u japim njerëzve mesazhe shprese, besimi e bashkimi.”, u shpreh Spiropali.