Spiune në Shqipëri? Gazetari bullgar flet për rusen: Miku i saj fotograf u arrestua në Egjipt

Është kthyer në një lajm europian, ngjarja në uzinën e armëve në Gramsh. Gazetari i njohur bullgar Christo Grozev thotë se një nga ruset e ndaluara, Svetlana Timofeeva, ka një histori interesante udhëtimi.

Ai tregon se ajo ka udhëtuar disa herë në shoqërinë e ‘fotografëve’ dhe se madje njëri prej tyre është arrestuar në Egjipt dhe Ministria e Jashtme ruse ka ndërhyrë për ta liruar.

“Një nga rusët e ndaluar në Shqipëri është Svetlana Timofeeva. Ajo ka një histori interesante udhëtimi: kalimet kufitare tregojnë se ajo udhëtoi shumë herë në shoqërinë e “fotografëve”, të paktën një prej të cilëve u arrestua këtë janar në Egjipt dhe duhej të shpëtohej nga FSB”.