Studentët thirrje Nikollës: Shkolla është e jona, jo biznes

Studentët e Tiranës janë bashkuar sot të gjithë në protestë duke nisur nga fakultetet ku studiojnë deri tek Ministria e Arsimit ku janë mbledhur të gjithë.

Ata kanë marshuar përgjatë Bulevardit “Dëshmorët e Kombit”, kanë ndaluar disa çaste para Kryeministrisë dhe më pas kanë vijuar tek MAS.

“Lindita Nikolla dil në bulevard, shkolla është e jona jo biznes privat”, ka qenë thirrja e studentëve.

“Xhepat e shtetit s’mbushen me qindarkat e studentit. Tarifa kafshatë që s’kapërdihet”, kanë qenë disa nga parullat e studentëve, të cilët kanë kërkuar heqjen e tarifave.

Studentët protestues kanë deklaruar sot Ministria e Arsimit po gënjen, pasi universitetet nuk janë autonome.

‘Loja që po bën Ministria e Arsimit me autonominë e universitetit është një përpjekje për të kthyer studentet kundër pedagogëve. Edhe pse në fryme të ligjit ka autonomi, këtë autonomi e vdes ministria nëpërmjet akteve nenligjore që i shtrengon universitetet ti plotesojne (jane te detyruar ligjerisht).

Nga ana tjeter Bordet e Administrimit drejtohen me shumice votash nga Ministria e Arsimit qe ka edhe shumice vendimarrese. Ministria abuzon kur ngarkon me pergjegjesi rektoret dhe dekanet, problemi eshte vetem dhe vetem tek qeveria”, thuhet në një deklaratë të studentëve.

Po kështu ata shprehen se aktualisht arsimi i larte ze vetem 0.46% te PBB ne buxhetin e shtetit. Duhet te behet 2%, keshtu jo vetem plotesohet angazhimi nepermjet strategjive, por edhe behet e mundur qe tarifat te behen 0 dhe ju te mos paguani asnje lek.

Së treti, shprehen studentët në vite nuk eshte rritur as nje lek fondi per bursa (per nevojtaret, ekselentet apo deget prioritare).

Ndër kërkesat e studentëve renditen: Biblioteka online qe asnjehere nuk u realizua.Fondi per konviktet që ndër vite nuk është bërë asnjë investim. Infrastruktura dhe laboratoret. Studentët nuk ka projekte për kërkimin shkencor, kjo i mban edhe pedagogët dhe studentet në vend ne lidhje me zhvillimin.