Stuhia në Kukës, reshjet dhe erërat i zënë vendin vapës

Stuhia ka mbërritur në qarkun e Kukësit, duke ndërprerë valën e temperaturave të larta që ka karakterizuar ditët e fundit. Zona është përfshirë nga reshje shiu, erëra me intensitet mesatar dhe shkarkesa elektrike. Deri në këto momente nuk janë raportuar dëme materiale apo probleme të shkaktuara nga moti në këtë qark. Kurse në Kosovë kushtet e pafavorshme atmosferike kanë shkaktuar dëme të shumta, duke prekur banesa dhe sipërfaqe të konsiderueshme bujqësore.