Sulmi në uzinën e armëve, banorët e zonës: Kishin hyrë nga pas, rusja u largua në këmbë

Vetë banorët e fshatit Çekin në Gramsh, që jetojnë pranë Uzinës që mbrëmë u shënua sulmi ndaj ushtarëve, janë të tronditur nga ngjarja që ka marrë vëmëndje ndërkombëtarë. Ata kanë treguar për mediat, edhe sesi u futën dy rusët dhe ukrainasi brenda zonës së mbrojtur ushtarake.

Rusët thanë ata, u futën nga pjesa e pasme e uzinës, pasi aty është lehtësisht e kalueshme. Një banor tregoi se edhe ata ndërhynë pas ngjarjes, ndërsa rusja ishte shumë e qetë dhe po largohej në këmbë nga vendi i ngjarjes.

“Personi ka hyrë nga krahu këtej pas, jo kryesore. Këtu ndodhi ngjarja. E kapi ushtari brenda, u hodh ai pastaj. Ndërhyrëm ne të fshatit pastaj ai përdori spraj. Goca kaloj aty pas në këmbë. Ajo kaloi tek këmbët e mia, ishte e qetë. Policia ishte këtej, ajo dukej si njeri normal, turiste. Nuk ka ndodhur më parë kjo. Nuk e di se çfarë ka uzina brenda, nuk na ka dhënë njeri informacion, unë nuk kam hyrë asnjëherë aty”.

Një tjetër banor tha se të hysh brenda uzinës është tepër e lehtë edhe për faktin se mungojnë rojet. Ai tha se më parë ishte e vështirë të hyjë sepse e gjithë zona ka qenë e rrethuar me roje.

“Ka kaluar edhe një ditë më përpara ajo makina. Erdhi policia, i kapën. Ata kishin hyrë nga mbrapa. Nuk e di çfarë ka uzina brenda”.