Tabelë buxhetore si kravatë? Detaji në veshjen e Ramës

Kryeministri, Edi Rama ka tërhequr përsëri vëmendjen me veshjet e tij. Kësaj here nuk ishin çorapet apo modeli i pantallonave, por kravata e personalizuar.

Gjatë takimit mes qeverisë së Shqipërisë dhe Kosovës, kreu i qeverisë mban një kravatë plot me ngjyra, shkrime dhe disa grafikë, ndërsa në krye të saj shkruhet: Buxheti në lekë (FB+FH).

Nuk dihet nga ku është frymëzuar Rama për kravatën, por prej ditësh ai ka publikuar taksat që kanë paguar “oligarkët” gjatë viteve të tij të qeverisjes.