Tahiri: Shumica e azilkërkuesve, emigrantë jashtë Shqipërisë

Kërkesat për azil në Gjermani vijnë kryesisht nga emigrantët shqiptarë jashtë vendit.

Një argument të tillë, ministri i Brendshëm, Saimir Tahiri, e deklaroi në konferencën për shtyp me homologun gjerman Thomas de Maziere, duke mbrojtur faktin se fluksi i azilkërkuesve nga Shqipëria është ulur.

Edhe pse muaji tetor ka sjellë mijëra kërkesa të tjera në Gjermani, duke zënë vendin e dytë pas Sirisë, sipas Tahirit, ato vijnë kryesisht nga emigrantët shqiptarë jashtë vendit.

“Po ulet numri i atyre qëkojnë azil në Gjermani. Daljet nga kufiri ynë janë vetëm 0.6 përqind më shumë se vjet", tha ai.

Duke shtuar se me Gjermaninë do të punohet “për të krijuar mundësi reale për punësim të ligjshëm”.