Të hënën në Grupin Parlamentar të PS; furtunë, hipokrizi apo përjashtim?

Grupi Parlamentar i Partisë Socialiste do të zhvillojë ditën e hënë një mbledhje jashtë radhe. Jane porositur te gjithe deputetet te jene patjeter ne mbledhje, e cila mesohet se do te behet me dyer te mbyllura dhe me prezence policore afer. Deputetet asnje nuk futen me arme ne seline e PS-se. Në rend të ditës janë disa çështje të tjera, por vëmendja pritet të përqendrohet në përballjen mes Kryeministrit dhe njëkohësisht Kryetarit të PS-së Edi Rama dhe deputetit Tom Doshi. Janë disa opsionet që pritet të ndodhin në këtë mbledhje. Së pari mbledhja e grupit mund të jetë një mundësi që Rama dhe Doshi të sqarojnë  ballë për ballë pakënaqësitë që kanë për njëri – tjetrin. Doshi duhet të japë llogari për kritikat në adresë të ministrave dhe qeverisë dhe gjuhën e ashpër që ka përdorur ndaj kryeministrit. Dhe Rama e fal! Së dyti, mbledhja mund të mos diskutojë fare për këtë çështje duke lënë të kuptohet se mes tyre ka tashmë një “pakt të heshtur” për të mos folur publikisht. Pjesë e këtij opsioni është edhe një deklaratë që Doshi ka bërë në shtyp se “gjerat personale i ka zgjidhur me Edi Ramën dhe se tani i ka lënë afat deri në 21 qershor të mbajë premtimet ndaj elektoratit”. Por ne kete rast piket e kryeministrit ne publik shkojne pertoke. Dhe fiton deputeti shkodran.Së treti, Doshit mund t’i bëhet e qartë se nëse vijon me këtë gjuhë, Grupi Parlamentar do të marrë masën e pezullimit e më pas të përjashtimit. Përballja mbetet e hapur në selinë rozë. Por nuk perjashtohet edhe ndonje variant rezerve, te cilen e kane menduar Saimir Tahiri dhe Policia aty rrotull nese situata precipiton keq.