Të shtëna me armë rreth kampit francez të emigrantëve, të paktën pesë viktima! Vetëdorëzohet autori i dyshuar
Aktualitet Bota E Diel, 15 Dhjetor 2024 11:40
Të paktën pesë persona janë vrarë nga të shtënat rreth një kampi emigrantësh pranë qytetit verior francez të Dunkirkut.
Një burrë 22-vjeçar që pretendonte se ishte autori i armatosur u dorëzua në stacionin e policisë aty pranë Ghyvelde në orën 17:00 me kohën lokale të së shtunës. Autori i dyshuar i tha policisë se vrau një person, që besohet të jetë 29 vjeç, në qytetin francez Ëormhout dhe më pas mori jetën e katër të tjerëve në kampin e refugjatëve Loon-Plage
Reuters raporton se viktimat ishin dy agjentë sigurie dhe dy persona që banonin atje, ndërkohë që autoritetet gjetën tre armë të tjera në makinën e të dyshuarit.
Nuk dihen shkaqet e të shtënave në Wormhout dhe Loon-Plage, ndërsa sipas shoqatës bamirëse Care4Calais, refugjatët janë vendosur në kampet në zonë prej vitesh. Ata janë kryesisht “kurdë ose afganë dhe duke përfshirë këtu shumë familje me fëmijë të vegjël”.
Top Channel
