Të shtëna me armë zjarri drejt një shtëpie në Korçë

Më pak se një orë pas plagosjes së ish mësuesit në ballkonin e shtëpisë në Vlorë, të shtëna me armë zjarri janë regjistruar mbrëmjen e së premtes edhe në Korçë.

Ngjarja ka ndodhur në lagjen 3 të qytetit, pranë ish-depos së ujit, ndërsa raportohet se është qëlluar disa herë në drejtim të një banese private. Sipas burimeve policore, shënjestra e të shtënave ka qenë shtëpia e Juxhin Kullës, 34-vjeç, person me precedent penal në fushën e narkotikëve.

Fatmirësisht, bëhet me dije se nuk ka të lënduar.

Në vendin e ngjarjes janë mbledhur forca të shumta policie, ndërsa nuk janë zbuluar detaje të tjera rreth ngjarjes.