Të shtëna me armë zjarri në Kalis të Kukësit, 1 i plagosur. Grupi hetimor në vendngjarje

Një ngjarje e rëndë ka ndodhur pak minuta më parë në Kukës. Gazetari i “BalkanWeb”, Enver Doçi, bazuar në burimet policore, raporton  se një person është plagosur me armë zjarri në fshatin Kalis.

Grupi hetimor dhe ambulanca janë nisur menjëherë drejt vendit të ngjarjes, ndërsa ende nuk dihen motivet e plagosjes. Fshati ku ka ndodhur ngjarja është disa kilometra nga qytetit i Kukësit, ndërsa kjo e bën të vështirë mbërritjen në kohë të strukturave vendore të Policisë së qytetit verilindor.