Të shtëna me armë zjarri në Mirditë, vritet një person

Një person ka mbetur i vrarë, ndërsa nuk dihen rrethanat e ngjarjes. Ngjarja ka ndodhur në fshatin Ndërfushas të Mirditës.

Po ashtu raportohet se viktima është vëllai i M. Bardhit, i vrarë në 2023 për motive hakmarrjeje.

 Në Munaz është gjendur edhe makina e djegur e autorëve.

“Rreth orës 09:00, në fshatin Ndërfushas, është gjetur i pajetë në automjetin e tij, shtetasi V. B., rreth 65 vjeç, i cili dyshohet se është vrarë me armë zjarri.
Grupi hetimor ndodhet në vendngjarje dhe në drejtimin e Prokurorisë, vijon punën për zbardhjen dhe dokumentimin e rrethanave të ngjarjes”, njofton Policia.