Tensionet në Universitetin Politeknik të Tiranës, studentët thyejnë xhama dhe dyer

Ambientet e Universitetit Politeknik të Tiranës u dëmtuan, pasi një grup studentësh dhe protestuesish reaguan ndaj heqjes së banderolës me mbishkrimin “Ju erdhi fundi” nga rojet e institucionit.

Banderola ishte vendosur në katin më të lartë të godinës, por u hoq nga personeli i sigurisë. Në përpjekje për ta rimarrë, protestuesit hynë në ambientet e universitetit, ku u raportuan dëmtime materiale, përfshirë thyerjen e xhamave dhe dyerve.

Banderola u rivendos në fasadën kryesore të Universitetit, ndërsa incidenti shënoi tensione mes protestuesve dhe personelit të sigurisë së institucionit.